Kreu i grupit parlamentar i PS, Taulant Balla është takuar sot në Tiranë me deputetin e Bundestagut gjerman, Adis Ahmetoviç. Gjatë fjalës së tij, Balla u shpreh optimist për mbajtjen e konferencës së parë ndërqeveritare në javën e ardhshme.
Ai theksoi gjithashtu se kancelari gjerman, Olaf Scholz është i qartë për procesin e Berlinit dhe ka prioritet anëtarësimin e Ballkanit Perëndimor. Po ashtu, Balla nënvizoi se Ballkani i Hapur ka dhënë rezultate konkrete, pasi bazohet në parimet bazë të BE, atë të lëvizjes së lirë të mallrave.
“Në mënyrë që javën e ardhshme të jetë e mundur mbajtja e të dy konferencave ndërqeveritare e Shqipërinë dhe Maqedoninë. Kemi diskutuar për plotë çështhje. Ne vlerësojmë shumë procesin e Berlinit, si një proces që ka ndikuar pozitivisht me rezultate konkrete. Në vlerësimin tonë Ballkani i Hapur është instrumenti i duhur që ka mundësuar që parimi themelor i BE të implementohet edhe në rajoni tonë si një instrument që ka dhënë rezultate konkrete.
Kancelari është shumë i qartë në vazhdimin e procesit të Berlinit. E ka në prioritet ecjen përpara në procesin e anëtarësimit të Ballkanit Perëndimor. Gjej rastin ta falënderoj Adis Ahmetoviç për Kosvësn në Këshillin e Europës”, deklaroi Balla.
Kreu i Grupit Parlamentar të Partisë Socialiste Taulant Balla është duke mbajtur një konferencë për shtyp me deputetin e Bundestagut gjerman, Adis Ahmetoviç. Gjatë fjalës së tij, deputeti gjerman shprehu keqardhjen se BE kishte shansin tre javë më parë që t’i liberalizonte vizat Kosovës dhe t’i jepte një shtysë procesit integrues të Shqipërisë dhe RMV-së.
Megjithatë, Ahmetoviç. shtoi se qeveria e re e Olaf Scholz do të punojë fort që vendi ynë të nisë negociatat me BE-në javën e ardhshme.
“Ne si qeveri e re e shohim Shqipërinë, si anëtar të BE. Para 3 javësh patëm një konferencë, duhet ta them që jam edhe vetë kritik. Kishim një shans historik t’i jepnim Kosovës liberalizimin e vizave dhe të ndihmonim Shqipërinë e RMV në rrugën e integrimit. Do punojmë që javën e ardhshme që Shqipëria të nisë negociatat
Keni edhe mbështetjen time personale për integrimin dhe anëtarësimin e Shqipërisë në BE…Për të përfaqësuar kompromisin e BE për të gjetur një zgjidhje për Shqipërinë dhe RMV.”
g.kosovari
