Deputeti më i ri i parlamentit shqiptar, Eduard Ndocaj, i njohur dhe si “deputeti cowboy” ka treguar sesi e ka fituar kapelen e tij të famshme. Në një prononcim për Opinion.al Ndocaj ka thënë se kapelen e ka fituar në Republikën Domeniakne gjatë një basti me gjela.
“Kapelen e kam fituar në kampionatin botëror të gjelave në Republikën Domenikane. Isha aty për qef dhe vura bast. Për fatin tim gjeli im e mundi gjelin meksikan dhe unë kështu fitova kapelen” – ka thënë Ndocaj.
Ndocaj madje ka theksuar se nëse “do ta lodhin shumë” ai do ta mbajë kapelen e tij coëboy edhe në seancat parlamentare.
Ndërkohë që sot, në aeroportin e Rinasit ka qenë një ditë “ndryshe”. Deputeti më i ri socialist është pritur në aeroport me flamurin shqiptar nga ana e disa fansave të tij. Ndocaj do të zërë në Parlament vendin e Arben Ndokës i cili tha dorëheqjen dhe do të përfaqësojë elektoralin e majtë të Lezhës.
