Anëtari i parlamentit britanik, Lord Steëart Jackson, duke folur në mitingun e mbylljes së fushatës së PD-së, që u mbajt në bulevardin e Ri në Tiranë, i ka drejtuar një thirrje qytetarëve shqiptarë që të votojnë numrin 1 në fletën e votimit në zgjedhjet e 11 majit.
Ai tha se fitorja është pranë, dilni, merrni familjet, miqtë për të shkruar drejt kësaj të ardhmeje për familjen tuaj, fëmijët, për të ardhmen dhe thojini të mbështesin PD për një të ardhme të madhe.
“Ju dërgoj përshëndetje nga dhoma e lordëve në Britaninë e madhe! Është kënaqësi që ndodhem këtu. Po shikoja të gjithë këta të rinj dhe po shikoj sytë e tyre dhe pyes veten se si do të jetë e ardhmja e tyre. Një gjeneratë më parë, brezi i ri i këtij vendi të mrekullueshëm e hodhi tiraninë, komunizmin në emër të lirisë dhe demokracisë.
E ardhmja e Shqipërisë është një ardhme e begatë e cila na pret dhe në jemi në krye të rrugës. Ne mund të ndjekim rrugën e korrupsionit, makutërisë, ose mund të ndjekim një rrugë të re, e cila është drejt lirisë, demokracisë, punës, biznesit, prosperitetit, begatisë, rrugën e Shqipërisë drejt BE, drejt botës, një rrugë vizionare që do hap më tepër mundësi.
Fitorja është pranë, dilni, merrni familjet, miqtë për të shkruar drejt kësaj të ardhmeje për familjen tuaj, fëmijët, për të ardhmen dhe thojini të mbështesin PD për një të ardhme të madhe”, tha Jackson.
