Grupi parlamentar i PD-së është mbledhur pak minuta më parë për të përcaktuar strategjinë e kësaj force politike gjatë ditëve në vijim. Bëhet e ditur se një nga çështjet që po diskutohet është edhe nëse PD duhet të vijojë të jetë në Kuvend apo ta bojkotojë atë përfundimisht. Deputeti Flamur Noka mësohet të jetë shprehur se PD duhet t’i shkëpusë përfundimnisht marrëdhëniet me Kuvendin. Edhe deputeti tjetër i PD Klevis Balliu ka deklaruar se qytetarët kërkojnë që PD të bojkotojë Kuvendin.
Strategjia e PD për të bojkotuar Kuvendin nuk është e re. Më parë përgjatë viteve 1997- 2001, PD aplikoi skemën e bojkotit të Kuvendit gjë që çoi në rrudhosjen tërësisht të saj si forcë politike.
Pjesë nga debati
Flamur Noka: Ne duhet të shkëputemi nga ky parlament. Ramës ia dhamë kohen e duhur për Xhafën.
Klevis Balliu: Qytetarët na kërkojnë të mos jemi në parlament, sepse aty bëhet teatër.
Noka: Hapi i vetem që na mbetet është bojkoti.
Bardh Spahia: Shqiperia nuk mund të bëjë përpara me dy ministra të Brendshëm të lidhur me drogën. Ka ardhur koha që të marrim seriozisht nën konsiderate opsionin e bojkotit të parlamentit.
vijon
ma.me/javanews.al
