Kanë qenë të rreptë disa deputetë në Kosovë, që kanë drejtuar gishtin e fajtorit tek kryeministri Isa Mustafa. Ata kanë thënë se ka mundur të parandalohej vrasja e nëntë kosovarëve në Kumanovë, në rast se për lëvizjet e tyre të dyshimta kryeministri Isa Mustafa do të përcillte te Ministria e Punëve të Brendshme informacionet që ia kishte vënë në dispozicion Inteligjenca kosovare. Ata janë deputetët e Komisionit për Punë të Brendshme dhe Siguri. Gjatë dëgjimit në Komision, ministër i Punëve të Brendshme, Skënder Hyseni, ka konfirmuar të mos i jenë përcjellë informatat nga shefi i tij, referuar “Koha Ditore”.
