Një banor i lagjes “15 Tetori” në qytetin e Fierit ka ngritur një shqetësim që ka prej kohësh. Ai ka shkruar ditën e sotme në redaksinë e JOQ.al, ku bën me dije se pranë banesës së tyre ndodhet një pikë gazi, e cila jo vetëm që po u merr frymën për shkak të erës së rëndë të lëndës djegëse, por rrezikon gjithë lagjen.
Personi që ka sjellë materialin bën me dije se pika e shpërndarjes së gazit është e palicensuar, por edhe pse policia ka shkuar për kontroll, ai vijon punën e tij.
Kemi ngjitur shtëpisë një pikë që shet gaz të pa licensuar nga shteti. Erdhi policia i bëri kontroll dhe doli i jashtëligjshëm si biznes. Ky personi që ka këtë pikë gazi nuk e rruajti fare nga shteti dhe vetëm sa hoqi tabelën e vazhdon biznesin e tij pa pik problemi. Një shkëndijë e vogël të ndodhi, e hodhi komplet lagjen në erë. Me pak fjalë nëse shpërthen kjo bombula gjigante, komplet lagja “15 Tetori” zhduket. Ju lutem na e bëni këtë nder dhe shpërndajeni këtë njoftim se nuk na zë gjumi natën”, – thotë qytetari.
Pjesën e licensës nuk mund ta vërtetojmë, ama që ka të drejtë në lidhje me sigurinë e kësaj pike të shpërndarjes së gazit, këtë nuk e kundërshton dot njeri.
