Dyshohet se në Delvinë po qarkullojnë fletë votimi të falsifikuara. Sot rreth orës 12:00 është paraqitur për të bërë kallëzim shtetasi R.B., kandidat për deputet i një subjekti politik, i cili ka deklaruar se “në Qendrën e Votimit 4619 pranë spitalit, Delvinë, ka parë një shtetas, e cila ka hedhur në tokë jashtë qendrës së votimit 2 fletë të ngjashme si fletët e votimit dhe pretendon se ato janë imituese ose të falsifikuara”.
Policia ka sekuestruar fletët e konstatuara (2 copë), të cilat do t’i nënshtrohen ekspertizës për përcaktimin e saktë të tyre. Vazhdojnë hetimet për zbulimin dhe sqarimin e këtij rasti.