Referuar njoftimit për media të Partisë Demoktratike shpërndarë ditën e sotme, ISHMP sqaron se prerjet e paligjshme fotografuar gjatë fundjavës dhe denoncuar nga PD ditën e sotme përmes një njoftimi për media, i përkasin rastit të shkeljes së moratoriumit të pyjeve identifikuar dhe proceduar më 10 Prill 2016 nga ISHMP dhe organet e tjera përkatëse.
Në Ekonominë Pyjore Prevall, në zonën e quajtur Darkat e Lunikut, ngastra nr 87.88, nga informacionet e marra ISHMP Qëndror, ISHMP Elbasan në bashkëpunim me Komisiariatin e rrethit të Librazhdit kanë identifikuar më datë 10 Prill 2016 shkelje të moratoriumit të gjuetisë, dhe identifikuar prerjen e 690 copëve dru. Oficerët e Policisë Gjyqësore janë thirrur në vend dhe sipas procedurave kanë bllokuar menjëherë provën materiale. Cështja është për veprime të mëtejshme në Prokurorinë e Rrethit Gjyqësor Elbasan
Sa i përket vendit e lëndës drusore ku janë bërë fotografimet e Departamenti I Mjedisit pranë PD, sqarojmë se I përkasin provës materiale e bazuar në informacionin zyrtar që ISHMP disponon ai është lënë në ruajtje nga Prokuroria Elbasan sipas ligjit në fuqi as nuk mund të lëvizet dhe as tjetërsohet.
Sic ekspertët mjedisorë dhe ata të sektorit të pyjeve sqarojnë dijeni gjethja dhe filizi mund të celë edhe pas rrëzimit të drurit, kur ky i fundit ka ushqim të mjaftueshëm
Ergys Agasi, Kreu i ISHMP, siguron gjithë qytetarët shqiptarë, si dhe cdo palë, aktor apo grup interesi se kontrolli mbi pyjet vazhdon të jetë rigoroz dhe cdo rast paligjshmërie është ndëshkuar e do të vazhdojë të ndëshkohet maksimalisht sipas ligjit në fuqi.
