Gjykata rumune e Apelit dënoi të martën vajzën e ish-presidentit Traian Basescu, Ioana Basescu, me pesë vjet burg për përfshirjen e saj në pastrim parash për fushatën zgjedhore të babait të saj.
Ish-ministrja e turizmit Elena Udrea, e cila u arratis për më shumë se një vit në Kosta Rika para se të kthehej në Rumani në korrik 2019, u dënua me tetë vjet burg në të njëjtën çështje.
Një biznesmen dhe dy politikanë të tjerë u dënuan gjithashtu për mbledhje dhe pastrim parash.
Vendimi nuk është përfundimtar dhe mund të apelohet.
Ioana Basescu me te atin
Sipas aktakuzës, të akuzuarit mblodhën “shuma parash nga korrupsioni, përvetësimi dhe evazioni fiskal që u përdorën më pas për të paguar për shërbimet e kontraktuara gjatë fushatës elektorale” në vitin 2009, kur Basescu fitoi mandatin e tij të dytë dhe të fundit në detyrë.
Basescu ishte president i Rumanisë midis vitit 2004 dhe 2014. Ai tani është anëtar i Parlamentit Evropian.
Ioana Basescu duke dale nga gjykata
