Pak minuta pasi Gjykata e Krimeve të Rënda dënoi me 55 vite burg grupin e Emiljano Shullazit, avokati i Shullazit, Vladimir Meçe, ka dhënë një prononcim të shkurtër për mediat. I pyetur nga gazetarët, avokati Vladimir Meçe ka thënë se gjykata ka vepruar nën presionin e politikës por se ky vendim do të apelohet.
Prononcimi i plotë:
Vladimir Meçe: Pati dhe akuza nga gjykata, duhet të binin poshtë këto akuza.
Gazetarët: Nuk dëgjuam asnjë koment për Hotel ish-Vollgën në Durrës?
Vladimir Meçe: Vendimi nuk u dha i arsyetuar. Gjykata nuk i shpëtoi dot presionit, këta operojnë në fushën penale, janë në gjendje të bëjnë dallimin mes disa të drejtave.
Gazetarët: Gjykata e shpalli të pafajshëm për kanosjen e dy profesorëve?
Vladimir Meçe: Akuzat ishin të stisura, ju mendoni kështu ne mendojmë ndryshe. Vendimin e Krimeve të Rënda do t’a apelojmë.
ma.me
