Duke folur për vendimin e dhënë nga Gjykata e Tiranës kundër ish Kryeministrit Sali Berisha, i cili u dënua për shpifje, Balla tha se, Berisha është një person që nuk e ka për turp të gënjej.
“Sot është dënuar për këtë çështje, por ka dhe plot çështje të tjera. Kështu është dënuar dhe Basha. Çështja për të cilën Kryeministri Rama vendosi ta çoj në gjykatë është shumë e thjeshtë dhe e qartë dhe që u konfirmua”-, tha Balla mbrëmjen e së premtes në studion e emisionit “Java në RTSH”.
“Në kuadër të akuzave të opozitës për SPAK, Bala tha se “përzgjedhja e prokurorëve në SPAK është bërë përmes një procesi shumë të detajuar të vettingut dhe pjesa që lidhet me z. Kraja, si kryetar i SPAK dhe për z. Dumani që kush e di sa kohë përpara ka pirë një kafe me z. Manja, këto të dyja nuk janë arsyetime korrekte sepse është e pakuptimtë që PD në datë 18 përshëndet ngritjen e SPAK të nesërmen fillon historinë e radhës për anateminë e këtyre personave. Nuk është hera e parë, por nuk është faji që z. Kraja ditën e parë të punës së tij e ka në vitin 1989”-, vijoi Balla.
