Zbrazet mesfusha e Italisë vetëm pak ditë para nisjes së Euro 2016. Riccardo Montolivo është dëmtuar mbrëmë, pas ndeshjes kundër Skocisë, në stërvitjen e lojtarëve që nuk u aktivizuan. Mesfushori i Milanit përsoi një dëmtim muskular në pulpë, çka e vë në rrezik serioz pjesëmarrjen në finalet franceze.
Montolivo vinte nga një dëmtim i mëparshëm në pulpën tjetër, ndaj dhe u la jashtë loje nga Conte për ndeshjen me skocezët, për të mos rrezikuar më tepër.
Conte, ashtu si të gjithë trajnerët, duhet të dorëzojë deri nesër në UEFA listën me 23 emrat pjesëmarrë në Francë dhe ka shumë mundësi që Montolivo nuk do të jetë, ashtu si Marchisio e Verratti. Kjo e bën edhe më të rëndë humbjen e lojtarit në një sektor që kishte marrë goditje të mëparshme.
D.I.
