Shkëlzen Gashi është dëmtuar në stërvitjen e djeshme të kombëtares, por nuk bëhet fjalë për diçka serioze. Sulmuesi i Colorado Rapids e ndërpreu menjëherë seancën, për shkak të dhimbjeve të forta në pulpë, për shkak të një kontraktimi, shkruan Panorama Sport. Ai mund të jetë gati për ndeshjen e nesërme, ndonëse mbetet për t’u parë nëse Gianni De Biasi do ta aktivizojë apo do ta lërë pushim, për të mos pasur komplikime të mëtejshme.
I dëmtuar është edhe Ledjan Memushaj, i cili nuk u stërvit. Kapiteni i Pescarës ka marrë një goditje në brinjë në ndeshjen e fundit të skuadrës së tij në Serinë B.
