Në Këshillin Kombëtar të PD analisti Eduard Zaloshnja thotë se nuk do të ketë asgjë interesante, pasi sipas tij emrat e ekipit të ri të Lulzim Bashës, do të jetë të njëjtët që janë bërë publike 2 ditë më parë.
Për Berishën, Zaloshnja thotë se Basha nuk e ka ndarë mendjen që ta përjashtojë nga grupi parlamentar, pasi nëse do të donte ta bëntë një gjë të tillë do e kishte vendosur në rendin e ditës.
“Nëse do ta kishte patur ndërmend ta largonte, do ishte debatuar paraprakisht dhe sot do ishin tamam ditët ku do merrej një vendim. Këshilli kombëtar është organi më i lartë i PD. Përderisa në rend dite as nuk është futur kjo çështje Basha as nuk e ka ndërmend ta diskutojë këtë çështje. Kjo është një llogaritje e forcave të tij si politikan sepse ai e kupton se nuk ka forcë brenda PD që të lërë Berishën jashtë grupit parlamentar, ndërkohë që ai e ka deklaruar me jetë a vdekje sikur edhe një anëtar të mbetet PD, Berisha do të jetë i PD”, tha ai.
E vetmja zgjidhje për PD do ishte nëse Berisha do ishte vetëdorëhequr. Duke qene se Berisha nuk heq dorë dhe basha se përzë dot atë kjo do të ketë kosto për PD. Nëse përplaset me Berishën humb gjysmën e partisë nga ana tjetër do përplaset me SHBA. Kim do mbajë qëndrim të prerë siç e ka mbajtur deri më sot dhe do japë mesazhe të vazhdueshëm. Mesazhi që ditën e parë të punës së parlamentit kur Berisha të jetë pjesë e grupit parlamentar. 99.9% është se Berisha do jetë me grupin parlamentar të PD. Do kemi një deklaratë shumë të fortë të ambasadës amerikane, më të butë por të fortë të BE. Në vazhdim do jetpet mesazhi që Basha, PD ka bërë gabim që nuk ka përjashtuar Berishën ga grupi parlamentar”.
/b.h
