Aktorja Demi Moore, është shprehur “tërësisht e shokuar” për vdekjen e 21-vjeçarit në pishinën tek shtëpia e saj në Los Angeles.
Trupi i pajetë i Edenilson Steven Valle, u gjet ditën e shtunë në pishinën e aktores. Moore, e cila nuk ka qenë në shtëpi në momentin e ngjarjes ka thënë se ishte “një tragjedi e pamendueshme. Zemra dhe mendja ime janë me familjarët dhe miqtë e këtij djali të ri”.
Sipas policisë, 21-vjeçari ka qenë në shtëpinë e aktores bashkë me 5-6 persona të tjerë. Nga hetimet e para rezulton se Valle ka qëndruar rreth 10-15 minuta në fund të pishinës deri sa shokët e kanë nxjerrë nga aty. Tashmë pritet ekspertiza për të përcaktuar shkakun e vdekjes.
