Kryeministri Edi Rama ka përcjellë një mesazh ngushëllimi për vdekjen e veprimtarit të shquar Adem Demaçi.
“Me vdekjen e Adem Demaçit mbyllet historia e jashtëzakonshme e një rebeli të llojit më të rrallë; shqiptar i llojit më të mirë, burrë i llojit më të veçantë, mik i llojit më të lartë. Pas një jete prej stuhie pambarim, ai u tret ngadalë e iku si zotnia që i tha të gjitha #RESPEKT” – shkruan Rama.
Demaçi u nda nga jeta në moshën 82-vjeçare. Ai njihet si ‘Mandela’ i kombit shqiptar për shkak të viteve të gjata që kaloi në burgjet e ish-Jugosllavisë. /b.d
