Delvinë, ishte duke parë pronat e tij qëllohet me armë zjarri 51-vjeçari

Në orët e vona të natës së mbrëmshme një 51-vjeçar është qëlluar me armë zjarri teksa po shihte pronat e tij në Delvinë. Ngjarja sipas policisë ka ndodhur në orën 23:00, por ai në orën 04:17 minuta kur është paraqitur në spitalin e Sarandës, aty ku bluzat e bardha pasi i kanë dhënë ndihmën e parë mjekësore kanë njoftuar policinë.

Blutë bëjnë me dije se, 51-vjeçari Embro Çela është plagosur me armë në pjesën e krahut dhe gjendja e rëndauar e tij ka bërë që ai të niset për mjekim më të specializuar në Spitalin e Traumës. Në vendngjarje ndodhen forcat policore të cilat kanë nisur hetimet.

Njoftimi i policisë Sarandë
Rreth orës 04:17, në Spitalin e Sarandës është paraqitur një shtetas i plagosur me armë zjarri.
Shërbimet e Policisë filluan menjëherë hetimet në lidhje me rastin dhe konstatuan se bëhej fjalë për shtetasin e dëmtuar: Embro Çela, 51 vjeç, banues në lagjen nr.1 Sarandë, ku dyshohet se është plagosur me armë zjarri “Pistoletë” në krahun e dorës së djathtë, i cili është nisur në drejtim të Spitalit të Traumës Tiranë për mjekim më të specializuar, jasht rrezikut për jetën
Gjatë hetimeve paraprake, dyshohet se ngjarja ka ndodhur në mbrëmje rreth orës 23:00, në fshatin Tatzat, Delvinë (pranë pronave të tij).
Policia ka shoqëruar 1 person me të cilin po punohet për zbardhjen e ngjarjes.
Punohet për identifikimin dhe kapjen e autorit/ëve.

ma.me