E shtuna ka nisur me aktivitete për 10 mijë socialistët e Gjirokastrës dhe Vlorës, ndërsa ata u janë drejtuar qendrave të votimit për të zgjedhur delegatët e Kongresit.
Burime nga bashkitë e këtyrë qarqeve informojnë se që në orët e para është vënë re një pjesmarrje e lartë, ndërkohë që votimet pritet të përfundojnë në orën 16:00.
Gjirokastra dhe Vlora, qarqe këto që kanë si koordinator deputetin Kokëdhima, janë të fundit që zgjedhin delegatët për Kongresin e 19 Marsit.
Socialistët e Vlorës do të votojnë për 44 delegatë për Kongresin e 19 marsit, ku do të ketë një barazi gjinore absolute, 22 femra dhe 22 meshkuj. Ndërsa në Gjirokastër do të votohet për 11 delegatë.
