Ka shkuar në 12 numri i rasteve të prekur nga Koronavirusi në Elbasan. Sipas burimeve zyrtare pjesa dërrmuese e të prekurve janë banorë të lagjes “5 Maji” në qytetin e Elbasanit.
Rasti më i fundit është i një 40 vjeçareje e cila rezulton të jetë bashkëshortja e 46-vjeçarit, pronar i restorantit të njohur që ndodhet pranë Gjykatës së Rrethit Gjyqësor të Elbasanit i cili prej fillim javës pasi rezultoi i infektuar me Covid 19, ndodhet i shtruar në spitalin “Shefqet Ndroqi“.
Restoranti i çiftit përkatësisht 46 vjeç dhe 40 vjeçe dyshohet se mund të ketë qenë vatra nga ku është përhapur Koronavirusi në Elbasan.
Kjo sipas mjekëve epidemiologë shpjegohet me faktin se rreth 90% e rasteve që rezultojnë pozitiv në Elbasan kanë qenë frekuentues të Restorantit në fjalë edhe gjatë javës së kaluar pasi ai ka qëndruar i hapur në fshehtësi të autoriteteve dhe dyshohet se është frekuentuar edhe nga gjykatës e prokurorë gjatë periudhës së vetë izolimit duke zbuluar kështu edhe anën e panjohur të një skandali me pasoja për shëndetin dhe jetën e qytetarëve.
Gjatë fillim javës u raportua se pronari i restorantit pranë Gjykatës së Elbasanit ishte i prekur nga Covid-19 dyshohet se ka shfaqur probleme të rënda shëndetësore pasi kishte frekuentuar këtë Restorant ashtu sikurse të tjerët që kanë dalë pozitiv, dhe se është dërguar me urgjencë po gjatë të hënës në spitalin “Shefqet Ndroqi” për shkak të gjendjes së rënduar.
Aktualisht gjatë gjatë ditëve të fundit në qytetin e Elbasanit u janë marrë tamponët edhe 13personave të tjerë për të cilët pritet përgjigja përfundimtare.
Ndērkohë autoritetet shëndetësore kanë bërē thirrje që të gjithë ata kanë frekuentuar Restarantin e dyshuar si vatra e infektimit duhet të vetë karantinohen me patjetër dhe të informojnë Hetimin Epidemiologjik për gjendjen aktuale shëndetësore të tyre dhe familjarëve. /e.s/
