Alessandro Del Piero ka një favorit të qartë për garën e titullit në Serie A: Interin. Ish-numri dhjetë dhe kapiteni i Juves foli në “Sky” për garën trepalëshe, ku përfshihen edhe Napoli me Milanin, por duket se nuk ka dyshim se kush do të fitojë në fund.
Çështje eksperience. Me pak fjalë, kampion do të jetë Interi për Del Pieron, nuk e eviton dot ta thotë këtë, edhe pse kurorëzon “armikun” e madh të skuadrës së tij të zemrës. Ish-kampioni i Juventusit e pranon:
“Për atë që tregoi gjatë kampionatit, Interi është favorit. Në Ligën e Kampionëve luajti mirë, duke ia vështirësuar kualifikimin Liverpool-it. Dzeko ka shënuar gola dhe dhënë asiste ndoshta po aq sa Lukaku.
Nuk është rastësi që numrat përshkruajnë epërsinë e zikaltërve. Si skuadër është më e balancuara nga të gjithë, sidomos me stolin që ka në krahasim me rivalët e tjerë.
Interi fitoi titullin vitin e kaluar dhe disa lojtarë tashmë kanë përjetuar njëfarë dinamike, kështu që e dinë se si ta marrin gjënë e duhur. Ky është avantazhi në finalen e sezonit”.
Pra, për kampionët e Italisë nuk duhet të ketë probleme në shtatë ndeshjet e fundit për të pohuar forcat e tyre. Kujtojmë se duke i fituar të gjitha, Interi do të ishte për të dytin radhazi fitues i trengjyrëshit.
/a.r
