I vetëm, me duart e mbledhura dhe pa shenja pendese, ka dalë përpara trupit gjykues, 35-vjeçari Arjan Shahaj, autor i vrasjes së babait të tij, Iljaz Shahaj.
Në seancën gjyqësore e zhvilluar te Gjykata e Krimeve të Rënda, Shahaj ishte “braktisur” nga familjarët e tij duke pritur masën e sigurisë që do t’i caktojë gjyqtari për vrasjen e babait të tij.
35-vjeçari nga Memaliaj, pranoi se e ka vrarë babanë dhe referuar dëshmisë së tij, gjithçka ka nisur sepse ai kërkoi që të priste dru, por në pemë kishte grerëza, që ai i kishte alergji. Pas kësaj, ai e ka goditur me dy shuplaka, duke bërë që të merrte sëpatën dhe ta qëllonte, dhe t’i jepte kështu fund keqtrajtimit për shumë vite, që kur ishte 5-vjeç, referuar gjithmonë dëshmisë së tij.
Sa i përket shëndetit të tij, policia tha se në banesë i janë gjetur disa ilaçe, por nuk ka kartelë mjekësore. Për këtë arsye, togat e zeza kanë urdhëruar që t’i bëhet një kontroll mjekësor. /l.m
