Një automjet i tipit Ford Fokus i cili po vinte nga Greqia ka dalë nga rruga në rotondën e aksit nacional Fier – Tepelenë.
Shoferi thotë se pas aksidentit, nuk hapeshin dyert e automjetit, ndërsa pasagjerët kanë dalë nga xhami i derës.
“Kisha gruan, kisha vajzat, nusen e nipit dhe mbesa në makinë”, tha shoferi. Makina e aksidentuar ishte me targa greke akm6031. Familja e aksidentuar është banore në Durrës.
Njoftimi i policisë:
Fier
Informacion paraprak
Sot rreth orës 22:20, në aksin rrugor Levan-Tepelenë, automjeti tip “Ford Fokus” me drejtues shtetasin V.S., ka dalë nga rruga.
Për pasojë kanë marë dëmtime të lehta pasagjerët në mjet, shtetaset M.S., Z.S., A.S. dhe E.S., të cilët ndodhen në Spitalin Rajonal Fier nën kujdesin e mjekëve.
Grupi hetimor po punon për zbardhjen e plotë të ngjarjes.
/e.rr
