Gerard Pique nuk dëshiron që Luis Enrique të largohet nga Barcelona. Mbrojtësi i Barcelonës, Gerard Pique, i ka dal në mbrojtje trajnerit Luis Enrique, i cili këto ditë ka qenë në qendër të kritikave pas humbjes 4:0 nga Paris Saint Germain në Ligën e Kampionëve.
Mbrojtësi spanjoll, u ka kujtuar të gjithëve se është Enrique ai që solli këtu Barcelonën, pasi para se të vij trajneri spanjoll, ata kishin përfunduar sezonin pa tituj.“Ne ishim një ekip (m***) para se të vinte Enrique dhe pastaj me të fituam tripletën”, tha Pique.
“E di që futbolli nuk ka memorie, por unë do të doja që të shikojmë pas dhe të shohim gjithë punën që ai ka bërë me neve”, shtoi spanjolli.“Nuk i kuptoj njerëzit pse harrojnë shpejt. Ne jemi me të deri në vdekje, dhe së bashku do të tentojmë të arrijmë te sukseset”, theksoi mes tjerash Pique, citohet ”Express”. (b.an)
