Tashmë sipërfaqja është zgjeruar në brendësi të parkut kombëtar të Prespës dhe ka kaluar në anën tjetër të Malit të Thatë mbi fshatin Peshkëpi të bashkisë Pogradec duke rrezikuar djegien e sipërfaqeve të mëdha me bimësi të ulët.
Burime zyrtare bëjnë me dije se Ditën e sotme ka patur një angazhim të shtuar për izolimin e flakëve brenda parkut kombëtar por sipas shërbimit zjarrfikës e vetmja mënyrë për fikjen e zjarreve është ndërhyrja nga ajri, e cila ka munguar.
Burime jo zyrtare thanë se vetëm pas dy ditësh pritet ndërhyrja nga ajri nëpërmjet helikopterëve të shtetit rumun ndërkohë që kërkesë për ndihmë i është drejtuar vendit fqinj grek e atij bullgar.
Nga ana e Maqedonisë së Veriut zjarri është riaktivizuar por shërbimi zjarrfikes për shkak të situatave të rënduara në vendin e tyre e kanë të pamundur të vijnë në ndihmë për shuarjen e flakëve në Parkun Kombëtar të Prespës
