Ish-trajneri i Real Madridit beson që ekipi spanjoll do të triumfojë të shtunën. Real Madridi dhe Liverpooli do të ndeshen në Kiev, të shtunën në finalen e madhe të këtij edicioni të Ligës së Kampionëve.
Vicente Del Bosque, që dikur ka drejtuar Realin e më pas kombëtaren spanjolle, beson që madrilenët janë shumë më të fortë sesa kundërshtari i tyre.
Madje sipas tij, asnjë futbollist i Liverpoolit nuk do të kishte vend në formacionin e Realit.“Real Madridi ka një skuadër fantastike dhe është klubi më i mirë në Evropë momentalisht”, ka thënë Del Bosque për mediat spanjolle.
“Duhet ta dëshmojnë këtë edhe të shtunën. Unë besoj që Reali do të triumfojë 4:1 ndaj Liverpoolit”.
“Nuk mund ta gjej të paktën një futbollist të Liverpolit, që do të kishte vend në skuadrën e Realit, madje as Salah”.“Gareth Bale dhe Karim Benzema janë lojtarë shumë të mirë, ndërsa me Cristiano Ronaldon në skuadër, Reali është gjithmonë më i fortë”, ka përfunduar ai, përgatiti Express. (b.an)
