Pas miratimit të ndryshimeve kushtetuse dhe ligjit për dekriminalizimin ka reaguar edhe Ambasada e SHBA-ve e cila përmes një njoftimi ka mirëpritur vendimin unanim të parlamentit. Ambasada e ka cilësuar ligjin si më të ashprin në Europë kundër kriminelëve politikë.
“Ambasada e SHBA mirëpret vendimin e guximshëm të parlamentit shqiptar për miratimin e ligjit për dekriminalizimi. Ky ligj është më i ashpri në Europë kundër kriminelëve në politikë. Ndërkohë që ky ligj është rezultat i punës së madhe si nga shumica ashtu edhe nga opozita, në fund të fundit ai është një fitore për qytetarët shqiptarë që duan qeverisje të pastër dhe fundin e korrupsionit.
Ndërsa mbetet ende shumë punë për t’u bërë në luftën e Shqipërisë kundër krimit dhe korrupsionit, ky ligj përfaqëson një hap të rëndësishëm për të ulur ndikimin e elementëve kriminalë në vend.”- shkruhet në njoftimin e ambasadës së SHBA.
