Kryeministri Edi Rama ka qenë këtë të martë në Kavajë për një konferencë me fokus anëtarësimet e reja në PS, nga ku ka bërë një batutë drejtuar liderit të opozitës.
“Do doja shumë të vinte krimineli që drejton Kavajën, edhe kryetari i bashkisë së Durrësit. Keni bërë ligj për dekriminalizimin, e kemi kaluar ligjin, sipas ligjit nuk kalon askush. Mezi po pres zbatimin e ligjit ti çoni letër Lulit e ti thoni: Po ky si shpëtoi?”- tha Rama.
Pas kësaj ka reaguar kryedemokrati Lulzim Basha i cili përmes një postimi në rrjetin social ka shkruar:
“Edi Rama krah per krah me Roshin e Kavajes, nje nga subjektet kryesore te dekriminalizimit, duke sfiduar nderkombetaret dhe ligjin e miratuar. Pas vizites dhe mesazheve te sekretarit Kerry, po i jep gajret nje nga nje personave me rekorde kriminale te promovuar prej tij qe ti perdore perseri. Zbatimi i ligjit te dekriminalizimit do te mbylle cdo penxhere dhe vrime per ta dhe shefin e tyre.”
