“Jam shprehur skeptik për listat e hapura. Në rastet e listave të shqyera, sërish do kishim prezencë personazhesh jo aq pozitive. Njerëz me lekë dhe pushtet rajonal do përplaseshin edhe brenda listës”.
Biba tha se zor se mund të ketë konstituim të parlamentit në kohë se zor se mund të kalohen në sitë 7 mijë kandidatë. “KQZ nuk ka kapacitete”, tha Biba.
Një ide e hedhur në tryezë që u përkrah dhe nga partitë politike ishte dhe publikimi i listës së kandidatëve 3 muaj para zgjedhjeve, për t’i lënë më shumë kohë KQZ për verifikime.
Por ashtu si bashkryetari i komisionit të Reformës Zgjedhore, Taulant Balla, edhe kreu i KQZ-së ishin kundër listave të hapura. Sipas kreut të KQZ-së ekziston një variant ekstrem i listave të hapura, të cilat ai i cilësoi të shqyera, ku çdo anëtar i partisë mund të kandidojë për deputet në një qark të caktuar. Kjo e irritoi Petrit Vasilin e LSI-së. Përveç Kodit Zgjedhor për socialistët duhet ndryshuar dhe ligji i partive politike, duke vendosur penalizime më të forta për subjetet jo korrekte. Si në rastin e PD-së, që sipas Taulant Ballës në gjykatë nuk ka kryetar Lulzim Bashën.
