Deputetët e rinj që do të jenë anëtarë të Parlamentit të Shqipërisë, mund të zgjidhen pa asnjë pengesë në kuadër të ligjit të Dekriminalizimit.
Mjafton vetëm që ata të plotësojnë dhe dorëzojnë formularin e vetëdeklarimit, dhe mund të kandidojnë edhe pa u verifikuar ende vetëdeklarimet e tyre, shkruan sot gazeta ‘Shqiptarja.com’.
Në rast se ata fitojnë zgjedhjet, dhe pas verifikimit rezulton se ata janë subjekt i ligjit të dekriminalizimit, atyre u ndërpritet mandati.
“Përpara fillimit të detyrës, emërimit apo zgjedhjes për një nga funksionet e parashikuara në ligjin “Për garantimin e integritetit të personave që zgjidhen, emërohen ose ushtrojnë funksione publike”, organi përgjegjës për administrimin e formularit të vetëdeklarimit është i detyruar të verifikojë të dhënat e deklaruara nga personi”-thuhet në vendimin në 17 të vitit 2016 të Kuvendit të Shqipërisë për këtë cështje.
