Deputeti i Lëvizjes Vetëvendosje, Rexhep Selimi, bashkë me Arbërie Nagavcin, kanë dorëzuar në Gjykatën Kushtetuese kërkesën për vlerësimin e kushtetutshmërisë së dekretit me të cilin presidenti Thaçi ia ka propozuar Kuvendit të Kosovës, Avdullah Hotin, për kryeministër.
“Sapo dorëzuam në Gjykatën Kushtetuese kërkesën për vlerësimin e Kushtetushmërisë të dekretit të presidnetit që e bëri publik para pak kohe”, ka thënë Selimi, raporton Express.
Sipas tij një dekret i tillë i presidentit është shkelje Kushtetutese.
“Me këtë dekret presidenti ka vazhduar ta shkelë Kushtetutën dhe si të tillë e kemi dërguar në Gjykatën Kushtetuese”, ka shtuar ai.
/e.rr
