Zgjedhjet vendore do të mbahen më 30 qershor 2019. Vendimi është tashmë zyrtar, pasi data është dekretuar nga presidenti i vendit, Ilir Meta
“Në mbështetje të nenit 92, shkronja “gj” dhe nenit 93 të Kushtetutës së Republikës së Shqipërisë, si dhe në zbatim të rregullave të parashikuara në nenin 9, paragrafi 1 dhe 2 dhe nenit 10, paragrafi 1 dhe 2 të ligjit nr. 10019, datë 29.12.2008 “Kodi Zgjedhor i Republikës së Shqipërisë”, i ndryshuar,
D e k r e t o j
Neni 1
Zgjedhjet për organet e qeverisjes vendore të zhvillohen ditën e diel, më datë 30 qershor 2019.
Neni 2
Ky dekret hyn në fuqi menjëherë”, thuhet në dekret
Për caktimin e datës së zgjedhjeve presidenti zhvilloi konsultime me partitë politike.
Sipas Taulant Ballës, operatorët turistikë kishin kërkuar që zgjedhjet të mbaheshin të paktën dy javë më herët, por kjo kërkesë nuk ka gjetur mbështetje siç duket edhe nga vendimi i kreut të Shtetit
Javanews.al/a.ç
