100 heronj prej 3500 që mbajnë këtë titull janë ekspozuar në Bulevardin Dëshmorët e Kombit në kuadër të 75 vjetorit të çlirimit.
Drejtori i Institutit të krimeve të komunizmi Agron Tufa thotë se mes personave të zgjedhur, ka nga ata që i kanë shërbyer sigurimit të shtetit. Apo nga ata të cilët janë vrarë pas luftës.
Tufa thotë se dekorimi i Bulevardit “Dëshmorët” e Kombit i ngjan një profanie dhe kjo është një forme provokuese nga ana e organizatorëve.
Përveç emrave, Tufa kundërshton edhe formën e nderimit të të rënëve në luftë.
Tufa thotë se në mes të këtyre heronjve ka nga ata që janë vrarë pas luftës dhe ata të cilët janë vrarë në luftë, por në përpjekje të hapjes së genocidit dhe ndezjes së luftës civile.
Tufa thotë se nuk i është kërkuar asnjë mendim apo dokument.
“Kur erdhi në Tiranë Papa Françesku qeveria vari në Bulevard portretet e martirëve të kishës katolike.
Sot qeveri-bashkia ka varur në të njëjtin bulevard portretet e atyre gjoja heronjve, që i ekzekutuan martirët, jo vetëm të kishes katolike.
Madje të veshur dhe me uniformën e Sigurimit, si ky këtu poshtë.
Pushtët e Enverit ngordhin për kohën e Stalinit, jo për Europën”, shprehet Tufa.
Atij i është përgjigjur Andi Kananaj.
“Është bo si personazhi Cavallo Pazzo në Itali, që dilte me prezervativ mbas çdo kronike live në TV”, shkruan Kananaj, për Tufën. / TemA
g.kosovari
