Për dekorata, dhënie nënshtetësia apo shpallje ligji… bashkë me aktivitete brenda e jashtë vendit për promovimin e Shqipërisë, Presidenca shpenzoi 227 milionë lekë apo rreth 2.3 milionë euro gjatë vitit të shkuar.
“Përgjatë vitit 2024 u realizuan 490 dekrete për shpallje ligjesh, nënshtetësi dhe dekorata, apo 98% e sasisë së planifikuar. U realizuan 20 aktivitete ndërkombëtare për promovimin e Shqipërisë dhe 220 veprimtari protokollare brenda vendit.”
Në total vitin e shkuar institucion i drejtuar nga Bajra Begaj shpenzoi pak më shumë se 291 milionë lekë nga 635.5 milionë lekë që kishte parashikuar në planin fillestar apo rreth 363 milionë me planin e rishikuar.
VO me Citim, Raporti i Monitorimit nga Ministria e Financave.
“Shpenzimet korrente në total për këtë institucion, janë realizuar në rreth 81% të planit vjetor, ndërsa shpenzimet për investime, janë realizuar në rreth 78 % kundrejt planit vjetor të ndryshuar. Ky nivel realizimi në shpenzime korrente lidhet kryesisht me mosplotësimin e vendeve vakante sipas strukturës organike të institucionit, si dhe me realizimin e ulët në shpenzime operative”.
Ministria e Financave kërkon shpjegime më të detajuara nga institucioni i presidentit për mos-realizimin e shpenzimeve.
“Në relacionin shpjegues duhet të paraqitet një analizë e detajuar mbi deviacionet më të theksuara nga plani për vitin 2024, dhe të bëhet krahasimi me performancën me periudhën e mëparshme të raportimit. Në veçanti, të theksoni nëse ekzistojnë tendenca të vazhdueshme për performancën nën nivelin e parashikuar.”
Një ndër arsyet që ka çuar në nivelin e ulët të Presidencës gjatë vitit të shkuar është mos-kryerja e “Projektit të rikonstruksionit të godinës ekzistuese të Institucionit të Presidentit të Republikës”
