Deputeti i Partisë Socialiste Ulsi Manja nëpërmjet një statusi është shprehur se përhapja e informacionit të rremë me qëllim krijimin e panikut dhe pasigurisë, është krim dhe dënohet me 5 vite burgim.
Ai i ka kërkuar prokurorisë që të nisë hetimet.
Statusi i tij:
Mjaft! Çdo gjë e ka nje cak!
Ndoshta edhe tolerimi. Ligjet flasin qartë dhe duhen zbatuar.
Organet e drejtësisë duhet të veprojnë. Njerëzit duhen mbrojtur edhe nga të papërgjegjshmit funksionalë.
Përhapja KRIM.
Dënohet deri në 5 vite. Çdo veprim që ul respektin ndaj të vdekurit është KRIM. Dënohet deri në 5 vjet.
Prokuroria duhet të nisë menjëherë hetimet për krimet çnjerëzore dhe antihumane me përdorimin e të vdekurve vetëm pse dikush, apo disa mendojnë se përfitojnë politikisht.
Virusi nuk përzgjedh. Virusi nuk është i kuq, apo blu. Virusi na ra të gjithëve në kurriz.
Por secili duhet të kontribuojë me sa mundet dhe aty ku mundet.
Minimumi të mos mbjellë panik e depresion përditë. Lulzim Basha duhet të heqë dorë nga roli i Karontit.
Asnjë i ndjerë nuk duhet të paguajë taksën politike që kërkon Basha.
