Presidenti Ilir Meta ka deklaruar ka marrë garanci nga ministria e Shëndetësisë për sa i përket masave ndaj koronavirusit.
Në një intervistë për News 24, ai është shprehur se kritikat e opozitës ndaj qeverisë lidhur me këtë situatë janë normale, pasi lidhen me pozicionin që kanë.
Ai deklaron se disa nga shqetësimet ia ka trasmetuar edhe përfaqësuesve të qeverisë.
‘Duhet të kemi parasysh se OBSH nuk ka pasur edhe vetë një vizion të qartë që në fillim, i ka ndryshuar në vazhdimësi.
Sepse kemi të bëjmë me një virus të panjohur më parë. Ajo që dua të them është që Shqipëria i ka paur disa eksperienca më parë si gripi i derrit.
Ajo që dua të theksoj është që ekipi mjekësor do të vazhdojë të jetë gjatë në këtë betejë.
Së dyti marrja e masave për terapinë intensive të gjithë atyre që duhet të shërohen.
Në këtë drejtim unë kam marr garanci nga ministria e Shëndetësisë për sa i përket marrjes së masave.
Ndërkohë jam takuar dhe e përfaqësues të opozitës që kanë një qasje kritike, që është normale për sa i përket pozicionit që kanë.
Disa nga shqetësimet e tyre i ja kam trasmetuar edhe përfaqësuesve të qeverisë. Të gjithë duhet të punojmë për të dhënë këto mesazhe bashkëpunimi’, tha Meta.
