Kryeministri Edi Rama ia ka dalë të jetë në qendër të diskutimeve në SHBA pas komenteve të tij për kandidatin republikan, Donald Trump. Duke e quajtur Trump një turp të qytetërimit tonë, Rama ka pushtuar mediat amerikane. Nuk ka vonuar shumë dhe ka ardhur një reagim aty ku pritej, nga stacioni konservator, Fox News. Deklaratat e Ramës janë kritikuar nga ish-zëdhënësi i Pentagonit, J.D Gordon.
Ky i fundit gjatë një interviste televizive për Fox Business, ka thënë se kryeministri shqiptar Edi Rama po udhëheq një parlament të korruptuar dhe se është i lidhur me korrupsionin.
Më tej ai kujtoi miqësinë e Ramës me Goerge Sorros.
“E dini që këtë javë ishte në Uashington miku i ngushtë i George Soros, i cili ka qenë i ftuar nderi në dasmën e tij. Edi Rama, kryeministri i Shqipërisë zhvilloi takime në Shtëpinë e Bardhë. Ky njeri foli për Donald Trump dhe tha që përbën rrezik për civilizimin. Dhe e dini kush e thotë këtë, Edi Rama i cili është në krye të një parlamenti të korruptuar, që është i lidhur me korrupsionin. Ne duhet t’u themi këtyre liderve europianë që të mos fusin hundët në politikën tonë të brendshme”,tha ish-zëdhënësi i Pentagonit.
Ndërkohë, faqja e njohur amerikane, Inquisitr, një prej më të klikuarave në vend, e vlerëson Edi Ramën pas komenteve të tij për Trump.
Faqja në pronësi të një izraeliti, shkruan: “Kryeministri Edi Rama e ka marrë detyrën në shtator të vitit 2013. Ai ka pasur një karrierë të ndryshme politike, që e ka origjinën e saj në lëvizjen për demokraci në Shqipëri, që solli edhe rënien e regjimit komunist”.
“Një figurë e lartë politike, ai ka dhënë kontribut të madh për artet, sportin dhe arsimin në vendin e tij”.Mapo