Presidenti ukrainas Volodymir Zelensky ka reaguar pas deklaratave të forta të bëra nga Vladimir Putin i cili tha se qeveria e Ukrainës është e mbushur me neonazistë.
Në reagimin e tij Zelensky tha se pavarësisht se këto janë deklarata qesharake, ato duhet të merren shumë seriozisht, pasi pas tyre mund të fshihen plane të tmerrshme.
Zelensky shtoi se Putini është në një flluskë informacioni, por ai vuri në dukje se komentet si kjo nga presidenti rus e shqetësojnë atë për atë që ai është i aftë të bëjë.
“Unë nuk kam frikë nga asgjë përveç njerëzve, por fakti është se nëse ai është serioz në lidhje me këtë deklaratë, ai mund të jetë i aftë për hapa shumë të tmerrshëm sepse kjo do të thotë se kjo nuk është një lojë për të. Por nëse nuk është lojë, nëse ai është serioz për këtë, nëse mendon se ky është misioni i tij për të pushtuar territorin tonë dhe nëse sheh shenja neonazistësh në vendin tonë, atëherë lindin shumë pikëpyetje se çfarë tjetër është i aftë të bëjë për hir të ambicieve të tij, për hir të misionit të tij”, tha Zelensky.
Zelensky i quajti komentet e Putinit “shumë të frikshme, shumë të rrezikshme”.
/b.h
