Klubi i Futbollit Tirana ka reaguar pas akuzave të ish-portierit të tyre, Stivi Frashëri. Nëpërmjet një deklaratë për shtyp, të postuar në profilin e tyre zyrtar në “Facebook”, skuadra kryeqytetase hedh poshtë akuzat e Frashërit.
Ndërkohë që shton se gardiani korçar është mirëtrajtuar gjatë gjithë kohës që ka luajtur për bardheblutë.
REAGIM PËR ÇËSHTJEN FRASHERI
Te pavërtetat e Stivi Frasherit janë të faktuara nga dokumentat e firmosura prej tij, dokumenta të cilat janë në zyrat e klubit. Ish-futbollisti i Tiranës edhe sot që është zyrtarisht i larguar nga KF Tirana, vijon të qëndrojë në një shtëpi me qira te paguar nga klubi, ashtu siç ka bërë për të gjithë periudhën qe ka qene lojtar bardheblu, edhe pse diçka e tille nuk ka qenë e parashikuar në kontratë. Përkundër fjalëve dashakeqe, futbollisti është mirëtrajtuar njerëzisht, financiarisht dhe sportivisht, nga drejtuesit, stafi dhe futbollistet e skuadrës.
Shpifjet nuk mund të justifikojnë dështimin e këtij futbollisti qe nuk meriton të jetë pjese e asnjë klubi. Duke marre shkas nga një tjetër deklarate e dhënë prej tij ne mediat sportive sot, KF Tirana do të ndjekë të gjithë procedurat ligjore për shpifjet e bëra nga Stivi Frasheri. Ky standard do te jetë i vlefshëm edhe për të gjithë personat që do të guxojnë të dëmtojnë imazhin e klubit më të madh në Shqipëri./panoramasport
