Deklaratat e ish-ministres së Brendshme të Maqedonisë ku flet për urrejtje dhe shfarosje të shqiptarëve, kanë sjellë edhe reagimin e politikës shqiptare. Është deputetja e Partisë Demokratike Mesila Doda e cila përmes një postimi në rrjetet sociale, e ka cilësuar Jankullovskën si një “nëpërkë psikopate dhe vrasëse”.
Në postimin e saj Doda thekson se “instikti vrasës dhe tërbimi ndaj një popullate me kombësi tjetër është veç tregues i frikës që ke, psikopate vrasëse”. Ndërsa lidhur me “larjen e duarve” me shqiptarët, Doda nënvizon se këtë e kanë provuar edhe paraardhësit e Jankullovskës që nuk ia kanë dalë dot.
“Nuk kam parë grua-nëpërkë si kjo… Dëshmi që ligësia nuk njeh as gjini e as kombësi, shpresoj që gratë dhe vajzat “shiptarisht” ti japin një mësim me një protestë qytetare mu para derës së shtëpisë së nëpërkës…Fatkeqësi që një pjesë vitale e kombit është e shtrënguar të bashkëjetojë, madje të duroje krimet dhe arrogancën e këtyre qenieve monstruoze. Se sa i lani duart me shqiptaret, e kane provuar paraardhësit e ty dhe s’ia kanë dale dot. Instikti vrasës dhe tërbimi ndaj një popullate me kombësi tjetër është veç tregues i frikës që ke, psikopate vrasëse. Meriton te gjykohet për krimi kundër njerëzimit ashtu si edhe shefi i saj. E vetmja keqardhje është që një vrasëse kriminele si kjo turpëron të qenit grua… Tek e fundit ligësia nuk njeh gjini!”shkruan Doda
