Këtë të martë pritet të mbërrijnë në Tiranë një grup europarlamentarësh që do të trajtojnë me zyrtarët shqiptarë çështjen e integrimit europian të vendit.
E teksa integrimi europian shfaqet sërish në krye të agjendës publike të vendit, nuk mungon as këtë herë rreziku nga kërcënimet për bllokim të këtij procesi.
Eurodeputeti Fredi Beleri ka deklaruar ditën e djeshme se Shqipëria mund të mos hyjë në Bashkimin Europian.
Nga një studio televizive greke, eurodeputeti grek, tregoi se është i gatshëm në çdo moment të bllokojë integrimin e Shqipërisë.
Pra ndryshe nga kolegët e tij në BE që nxisin zgjerimin e unionit dhe mbështesin integrimin e Ballkanit Perëndimor, Beleri paralajmëron se kartoni i kuq për Shqipërinë është prioritet në agjendën e tij si eurodeputet.
