Indianët kanë reaguar mjaft të zemëruar pasi Ministri i Shëndetësisë tha se kanceri është drejtësi hyjnore e shkaktuar nga mëkatet e së kaluarës së një personi.
Himanta Biswa Sarma u shpreh se njerëzit gjithashtu mund të marrin sëmundje si kanceri për shkak të mëkateve të prindërve të tyre.
Pacientët e kancerit dhe të afërmit e tyre thanë se ishin të trishtuar nga deklarata e ministrit. Partitë e opozitës i kanë përshkruar komentet e tij si “pahijshme” dhe i kërkuan që të bënte falje publike.
All India United Democratic Front tha se Sarma e ka bërë deklaratën për të mbuluar dështimin e tij për të kontrolluar përhapjen e kancerit në vend.
Ministri i Shëndetësisë e bëri deklaratën ndërsa po fliste në një aktivitet publik në Guwahati të mërkurën.
“Perëndia na bën të vuajmë kur mëkatojmë. Ndonjëherë përballemi me të rinj me sëmundjen e kancerit ose të rinj që vdesin në aksidente. Nëse vëzhgoni sfondin, do të kuptoni se është drejtësia hyjnore. Asgjë tjetër. Ne duhet të vuajmë atë drejtësi hyjnore,”-tha ai, raporton The Times of India.
Studiuesit nga Këshilli Indian i Kërkimeve Mjekësore (ICMR) thanë se mungesa e vetëdijes dhe kontrolleve do të thotë që vetëm 12.5% e pacientëve vijnë për trajtim në fazat e hershme të sëmundjes. Vlerësohet se numri i rasteve të reja të kancerit ose incidenca e tij në vend do të rritet me 25% deri në vitin 2020, shtoi raporti./oranews
a.ç
