Gazetari investigativ, Artan Hoxha, ka deklaruar mbrëmjen e djeshme se Shërbimi Informativ ka përgjuar 25 politikanë të rëndësishëm në vend.
Hoxha theksoi se pas marrëveshjes Meta-Rama, SHISH ka përgjuar nga prilli i 2013 deri në shkurt të 2014 Ilir Metën dhe Edi Ramën.
Sipas tij, Meta është përgjuar rreth 823 herë, ndërsa Edi Rama 30 herë.
Objekt i përgjimit ka qenë edhe kreu i opozitës, Lulzim Basha. Gjithashtu edhe ish-ministri i Brendshëm, Saimir Tahiri është përgjuar në bisedat që ka bërë me ambasadorin italian dhe grek.
“Politikani i vetëm që nuk është bërë objekt i një përgjimi, është ish-kryeministri Sali Berisha”, tha Hoxha në ‘Opinion’. /b.d
