Donald Trump i ka dhene nga xhepi avokatit Michel Cohen paratë me të cilat u ble heshtja e aktores së pornos, Stormy Daniels. Trump i ka dhënë avokatit të vet, i cili është tani nën hetim nga FBI-ja, 130 mijë dollarët me të cilat u pagua aktorja për të mos folur për marrëdhënien intime që ka pasur me Trump para se ai të kandidonte për president.
Lajmin e ka bërë të ditur për Fox News, Rudy Giuliani, një nga avokatët e Trump.
Që prej publikimit të historisë disa muaj më parë, Trump e ka mohuar gjithnjë jo vetëm lidhjen me aktoren, por edhe faktin se ka pasur dijeni për pagesën. Giuliani është shprehur se paratë e paguara nga Trump nuk janë para të fushatës elektorale.
“Nuk ka asnjë shkelje të ligjit për fushatën elektorale”, thotë ai.
Pranimi i pagesës mund të ketë ardhur si pasojë e frikës së hetuesit tashmë e kanë rindërtuar skemën e saktë të qarkullimit të parave. Por kjo deklaratë konfirmon për herë të parë se presidenti nuk ka thënë të vërtetën në lidhje me skandalin dhe përpjekjet për ta mbyllur pa zhurmë.
ma.me
