Sot në orët e para të mëngjesit, në rrjete sociale, qarkulloi një njoftim ku iu kërkohej studentëve të Fakultetit të Inxhinierisë së Ndërtimit që të paguanin tarifën e plotë në masën 100% para 28-janarit.
Pas ketij lajmi ka reaguar edhe Dekanati i fakultetit në fjalë.
Me ane te nje deklarate, dekanati ben me dije se nuk është e vërtetë që nga ana e Fakultetit është shpallur njoftim i ri për pagesën e tarifës së Shkollimit.
DEKLARATA E PLOTE:
Nisur nga lajmet që qarkullojnë së fundmi në portale apo rrjete sociale,
Dekanati i Fakultetit të Ixhinierisë së Ndërtimit, sqaron studentët dhe
opinionin publik se:
-Nuk është e vërtetë që nga ana e Fakultetit është shpallur njoftim i ri për
pagesën e tarifës së Shkollimit.
– Gjatë kësaj periudhe, nuk ka ndërmarrë asnjë veprim apo publikuar
ndonjë njoftim për pagesën e Tarifës së Shkollimit, pasi është në pritje të
miratimit të akteve të brendshme rregullatore të organeve kolegjiale të
institucionit, në zbatim të akteve të reja nënligjore që kanë hyrë në fuqi.
DEKANATI I FAKULTETIT TË IXHINIERISË SË NDËRTIMIT
