Që makinat devijojnë nga rruga kur shoferi është i dehur, kjo është gjë që ndodh rëndom dhe nuk habit kënd.
Por devijimi i anijes nga… deti, sepse timonieri e ka tepruar me alkoolin, nuk është diçka që shihet për ditë.
Ka ndodhur më 18 shkurt të këtij viti, me anijen ruse Lysblink Seaways, e cila udhëtonte me një ngarkesë mallrash nga Belfasti në Skogn të Norvegjisë, kur doli nga deti dhe ngeci në bregun perëndimor të Skocisë, pranë qytetit Kilchoan, në gadishullin Ardnamurchan. Të çarat në serbator kanë shkaktuar derdhjen e 25 tonëve karburant.
Fajtor është shpallur zyrtarisht oficeri i rojës, i cili në atë moment ishte në drejtimin e anijes.
Hetimet zbuluan se zyrtari kishte pirë gjymë litri rum dhe nuk ishte në gjendje të drejtonte anijen.
