Aeroplani qeveritar i Maqedonisë, me të cilin presidenti Gjorge Ivanov udhëtoi në Sarajevë për në takimin e liderëve të Procesit Bërdo-Brioni, për shkak të problemeve teknike, të konstatuara gjatë kontrollit të rregullt do të qëndrojë në Bosnje-Hercegovinë, ndërkohë që presidenti do të kthehet me fluturim komercial në Shkup.
“Avioni duhej të nisej Sarajeva në orën 10:00. Fluturimi nuk është realizuar pas verifikimit të sistemeve të aeroplanit, ku është vërejtur defekt i një prej invertorëve, i cili shndërron energjinë elektrike nga 24 në 115 volt”, deklaroi drejtori i Shërbimit Qeveritar, Vase Donevski.
Donevski thotë se ka kontaktuar me servisin e autorizuar për mënjanimin e defektit.
Nga kabineti i presidentit Ivanov thanë se ai do të kthehet nga Sarajeva për në Shkup, nëpërmjet Stambollit, me një fluturim komercial. (javanews / r.a)
