Elvana Gjata kishte sot ditëlindjen.
Ajo e festoi 33-vjetorin e lindjes në SHBA, ku jeton prej disa kohësh.
Miq, të afërm, kolegë dhe fansa të shumtë, e kanë uruar këngëtaren, në Instagram, prej nga ku ajo dha lajmin se “sot mbushi 33”. Mes urimeve, që nga Era Istrefi, Jonida Vokshi, Ermal Mamaqi, Kida e shumë këngëtarë të tjerë, i veçantë ka qenë urimi i Jonida Vokshit.
Jonida mesazhin e shoqëroi edhe me një foto bardhezi, ku kishte dalë me Elvanën.
“Gëzuar ditën tënde të lindjes gjysma ime!”, – i ka shkruar ajo, duke e konsideruar shpirtin e saj binjak, çka tregon se e konsideron atë më shumë sesa një shoqe apo mike.
Mesazhi i Jonidës ka habitur jo pak fansat, duke vënë në dukje, se ato ngjanin shumë në foto që bëri publike, si të ishin dy motra binjake.
