Duke nisur që prej mbrëmjes së djeshme dhe deri në orët e para të mëngjesit në qarkun Elbasan ka pasur reshje dëbore me intensitet të mesëm e të ulet të shoqëruara me erëra të forta. Sipas prefekturës së Elbasanit, mësohet se temperaturat kane qenë nën zero grade gjë qe ka sjellë praninë e ngricave në akset rrugore nacionale, rurale dhe në rrugët e brendshme të bashkive të qarkut.
Gjate natës është ndërhyrë ne 2 raste urgjente ku rrezikohej jeta e shtetasve. Në fshatin Xibrake te Njësisë Administrative Labinot Fushe një autoambulancë, që ishte njoftuar për një rast urgjence, ka mbetur e bllokuar. Është dashur ndërhyrja nga ana e punonjësve të bashkisë që të bëhej e mundur transportimi i të sëmurit drejt spitalit. Ndërkohë në fshatin Gjyrale të Njësisë Administrive Gostimë si pasojë e mungesës së energjisë elektrike u mundësua nga ana e bashkise Cerrik dërgimi i një gjeneratori për një të semur me Covid-19, i cili përdorte aparaturë oksigjeni.
Në aksin rrugor nacional Elbasan-Rrogozhinë (në Balldren), Elbasan-Belsh (ne Shales), Elbasan-Gramsh (ne Banje) mengjësin e sotëm ka pasur bllokime të pjesshme nga prezenca e madhe e akullit. “U njoftuan firmat kontraktuese per hedhjen e kripes ne keto pika. Ne akset Elbasan-Qafe Thane e Elbasan-Gjinar trashesia e debores ka arritur mbi 20 cm trashesi por tashme kjo eshte nen ndikimin e temperaturave te uleta gje qe ka krijuar ngrica.
Ne bashkine Elbasan kemi bllokim te akseve Elbasan-Labinot Mal dhe Elbasan-Funare ku ne terren po punohet per hapjen e tyre. Gjithashtu po punohet edhe ne rruget e brendshme te bashkisë me hedhjen e kripes per lehtesimin e qarkullimit te mjeteve. Ne furnizimin me energji elektrike kemi probleme ne Nj.A Gjergjan, Shales, Shushice, Tregan, Funar te bashkise Elbasan, ne Nj.A Oorenje, Hotolisht, te bashkise Librazhd ne Nj.A Mollas te bashkise Cerrik dhe Nj.A Grekan bashkia Belsh. Po punohet nga grupet e OSHE per riparimin e defekteve.”, thuhet në njoftimin e Prefekturës./a.p
