I ftohti siberian dhe dëbora ka mbërritur deri në Shqipëri të Mesme. Edhe vende si Tirana dhe Durrësi që nuk kishin parë borë prej vitesh janë zbardhur për disa minuta nga bora, ndërsa temperaturat janë nën zero.
Por reshjet e borës kanë krijuar probleme në zonën verilindore të vendit. Në Dibër raportohet se të gjitha njësitë janë bllokuar. Në aksin Peshkopi-Tiranë, qarkullimi kryhet me vështirësi dhe vetëm me zinxhirë, ndërsa temperaturat janë deri në -7 gradë celsius. Po kështu raportohet se persona të sëmurë nëpër fshatra janë dërguar në spitalin e Burrelit për ndihmë mjekësore.
Ndërkaq një emergjencë është shfaqur në aksin Qafë-Ulëz-Bushkash ku makinat kanë mbetur të bllokuara në borë. Reshjet e borës kanë mbuluar edhe juglindjen si dhe Qafën e Llogarasë.
ma.me
