Paskal Milo, Fatmir Mediu, Lufter Xhuveli, Dashamir Shehi, Adriatik Alimadhi, Arian Starova, etj, i nxjerrin ‘djersë” KQZ për të kthyer paratë e marra nga buxheti i shtetit për shkak të rezultateve të dobëta që morën në zgjedhjet vendore. Megjithë njoftimet zyrtare që kanë marrë nga KQZ, plot 17 parti të vogla politike vijojnë të mos i kthejnë parat.
JavaNews.al raporton se në krye të listës me detyrimin më të madh është PDS e drejtuar nga Paskal Milo, me shumën 13 milionë lekëve të vjetra, pasuar nga agrarët e Lufter Xhuvelit dhe republikanët e Fatmir Mediut me nga 6 milionë lek të vjetra, duke përfunduar me LZHK e Dashamir Shehit që ka detyrimin 20 mij lekë të vjetra.
Në total të 17 partit duhet të kthejnë në arkën e shtetit rreth 47 milionë lekë të vjetra. Ka qenë refuzimi i këtyre partive të për kthyer paratë ajo që ka detyruar KQZ që të publikojë detyrimet në fjalë, duke kërcënuar madje se nëse këto parti nuk kthejnë paratë brenda dt 10 nëntor 2015, “do të humbasin të drejtën e financimeve publike për një periudhë kohore prej 5 vitesh dhe nuk do të regjistrohen si subjekte zgjedhore në zgjedhjet e ardhshme as vetëm e as si pjesëtare të ndonjë koalicioni”. (me.ar / javanews.al)
Lista e subjekte politike debitore ndaj KQZ
